Son Xəbər: İlham Əliyev: Türk dünyası, Qafqaz, İslam aləmi bir yerdə olanda heç kim bizə bata bilməz, Sabah rayonlarda leysan yağacaq, dolu düşəcək - XƏBƏRDARLIQ, Hakan Fidan Rusiya-Ukrayna müharibəsi fonunda Qara dənizdə gəmilərə hücumları pisləyib, Hakim tərəfindən təkbaşına baxılacaq apellyasiya şikayətləri müəyyənləşir, Prezident İlham Əliyev Türkiyənin xarici işlər nazirini qəbul edib, TBMM sədri Bakının işğaldan qurtuluşunun 108-ci ildönümü münasibətilə Azərbaycanı təbrik edib, Birol Akgün Şəhidlər xiyabanı və Türk şəhidliyini ziyarət edib, XİN Bakının işğaldan azad edilməsinin ildönümü ilə bağlı paylaşım edib, Azərbaycan neftinin qiyməti 127 dolları ötüb, Bakının erməni-bolşevik işğalından azad olunmasından 108 il ötür,

TBMM sədri Bakının işğaldan qurtuluşunun 108-ci ildönümü münasibətilə Azərbaycanı təbrik edib

Tarix: Dün, 12:19

Türkiyə Böyük Millət Məclisinin (TBMM) sədri Numan Kurtulmuş Bakının işğaldan qurtuluşunun 108-ci ildönümü münasibətilə Azərbaycanı təbrik edib.

TBMM sədri bu barədə "X" hesabında paylaşım edib.

"Can Azərbaycanın paytaxtı Bakının düşmən işğalından qurtuluşunun 108-ci ildönümünü ürəkdən təbrik edirəm.

Bu müqəddəs zəfərin qəhrəmanları başda Qafqaz İslam Ordusu Komandanı Nuri Paşa olmaqla əziz şəhidlərimizi və Azərbaycanın istiqlal mübarizəsinə çiyin verən bütün qəhrəmanları minnətdarlıqla və şükranlıqla yad edirəm", - o paylaşımında vurğulayıb.

Qeyd edək ki, bu gün Qafqaz İslam Ordusunun Bakını erməni-bolşevik birləşmələrinin işğalından azad edilməsinin 108-ci ildönümüdür. 1918-ci il sentyabrın 15-də Azərbaycan və Türkiyə əsgərləri Bakını bolşevik-daşnak işğalından azad edərək Azərbaycan dövlətinin tarixinə şərəfli gün yazıblar. Bununla da müstəqilliyini təmin edən Azərbaycanda ermənilərin və bolşeviklərin Bakı və ətraf rayonlardakı ağalığına son qoyulub.